Premer-Mınıstrdiń orynbasary Erbol Orynbaev respýblıkalyq «Vremıa» gazetiniń tilshisi Vıktor Býrdınmen kezdesti

dep habarlady Úkimet basshysynyń baspasóz qyzmetinen.

Áńgime barysynda elimizdiń densaýlyq saqtaý salasynyń aǵymdaǵy jaı-kúıi jáne damý perspektıvalary talqylandy.

Esterińizge sala keteıik, 25 qańtar kúni Úkimet otyrysynda Premer- Mınıstr Kárim Másimov Erbol Orynbaev pen densaýlyq saqtaý mınıstri Salıdat Qaıyrbekovaǵa «Vremıa» gazeti tilshisiniń maqalasynda qozǵalǵan máselelerdi zerttep bilip, avtormen kezdesýdi jáne qolǵa alynǵan sharalar jóninde baıandaýdy tapsyrǵany málim.

Búgingi áńgime barysynda elimizdiń densaýlyq saqtaý salasynyń aǵymdaǵy jaı-kúıi jáne damý perspektıvalary talqylandy. Jýrnalıske 2010 jyldyń 1 qańtarynda kúshine engen Biryńǵaı ulttyq densaýlyq saqtaý júıesiniń engizilý barysy, sondaı-aq halyqtyń densaýlyǵyn qorǵaý salasyn reformalaýdyń kelesi kezeńderin iske asyrý úshin qolǵa alynatyn sharalar týraly maǵlumat berildi.

E.Orynbaev densaýlyq saqtaýdy damytýdyń memlekettik baǵdarlamasyn iske asyrýdyń maqsaty týraly, densaýlyq saqtaýdyń memlekettik júıesin reformalaýdyń nátıjesinde qol jetkizý josparlanyp otyrǵan negizgi baǵyttary men maqsatty ındıkatorlary týraly egjeı-tegjeıli túsindirip berdi. Tilshimen bolǵan áńgimede medıtsına salasyn basqarýdy jáne uıymdastyrýdy jetildirý salasynda júrgizilip jatqan sharalar, sondaı-aq, medıtsınalyq kómekti qarjylandyrý máselelerine negizinen jańa tájirıbe turǵysynan kelý, medıtsınalyq qyzmetkerlerge eńbekaqy tóleý júıesi, qyzmetterdiń qoljetimdiligin qamtamasyz etý, dári-dármek pen medıtsınalyq qural-jabdyqtardy satyp alý, medıtsınalyq bilim berýdiń sapasyn arttyrý sharalary atap kórsetildi.

V.Býrdınniń maqalasynda aıtylǵan faktiler men osy atalǵan máseleler boıynsha azamattardyń aryz-shaǵymdaryna baılanysty komıssııalyq tekserýler júrgizý úshin jumys komıssııasy qurylatyn bolady.

Odan keıin kezdesý densaýlyq saqtaý mınıstrliginde jalǵasty. Oǵan densaýlyq saqtaý mınıstri Salıdat Qaıyrbekova, mınıstrlik komıtetteri men «SK - Farmatsııa» AQ-nyń basshylary qatysty.