Premer- Mınıstrdiń qatysýymen Astanada Dúnıejúzilik keden uıymynyń Óńirlik oqytý ortalyǵy ashyldy
A. Jeltoqsannyń 14-i. QazAqparat /Ernur Aqanbaı/ - Búgin QR Premer-Mınıstri Kárim Másimovtiń jáne Dúnıejúzilik keden uıymynyń Bas hatshysy Kýnıo Mıkýrııanyń qatysýymen Astanada Dúnıejúzilik keden uıymynyń Óńirlik oqytý ortalyǵy ashyldy,
dep habarlaıdy QazAqparat.
QR Qarjy mınıstrligi Kendendik baqylaý komıtetiniń tóraǵasy Qozy-Kórpesh Kárbozovtyń aıtýynsha, atalmysh ortalyqtyń ashylýy Kedendik baqylaý komıteti men Dúnıejúzilik keden uıymy yntymaqtastyǵynyń jańa kezeńge aıaq basqanyn bildiredi. Ortalyqta zamanaýı qural-jabdyqtarmen jabdyqtalǵan mýltımedııalyq kabınet, elektrondy kitaphana, oqý-ádistemelik synyptary bar.
«Dúnıejúzilik keden uıymynyń Óńirlik oqytý ortalyǵy Qazaqstannyń jáne Ortalyq Azııa elderiniń keden organdarynyń qyzmetkerlerin kásibı daıalaý jáne qaıta daıarlaý, biliktiligin arttyrý úshin myǵym tuǵyrnama qalyptastyratyn bolady», dedi Q. Kárbozov.
Onyń sózine qaraǵanda, Qazaqstan aýmaǵynda Dúnıejúzilik keden uıymynyń kınologııa ortalyǵy jáne óńirlik oqytý ortalyǵy ornalasqan álemdegi jalǵyz memleket. Óńirlik oqytý ortalyǵyn ashý týraly memorandýmǵa 2009 jylǵy maýsymnyń 26-synda Brıýsselde QR Qarjy mınıstrligi men Dúnıejúzilik keden uıymy qol qoıǵan.
Onyń aıtýynsha, taıaý perspektıvada Qazaqstanda Dúnıejúzilik keden uıymynyń oqý-jattyǵý keshenin ashý týraly másele kóteriletin bolady.
