Premer-Mınıstrdiń birinshi orynbasary turǵyn úılerdi tereń termojańǵyrtýǵa erekshe nazar aýdarýdy tapsyrdy
ASTANA. 9 tamyz. QazAqparat - Búgin Astanada ótken alqa májilisinde QR Premer-Mınıstriniń birinshi orynbasary-Óńirlik damý mınıstri Baqytjan Saǵyntaev TKSh-ny jańǵyrtý baǵdarlamasyn júzege asyrý kezinde úılerdi tereń termojańǵyrtýǵa erekshe nazar aýdarýdy júktedi.
Mınıstr óz sózinde búginde ǵımaratqa termojańǵyrtý boıynsha jóndeý júrgizilmeı, bólingen qarjyǵa úıdiń tek aldyńǵy jaǵy ǵana boıalatyn faktiler kezdesip jatatynyn synǵa aldy.
«Turǵynǵa úıdiń aldynan qandaı paıda keledi? ıAǵnı, bundaı jumystar úıdiń jyly bolýyna esh yqpal etpeıdi. Osy turǵyda tek ádemilikti ǵana eskersek, eki jyldan keıin bul ásemdikten eshteńe de qalmaıdy. Al turǵyn bolsa, atalǵan qyzmettiń shyǵynyn ótep jatady»,-dedi B. Saǵyntaev.
Vedomstvo basshysy TKSh-ny jańǵyrtý baǵdarlamasyn ázirleý kezinde basty maqsat energııa tıimdiligin arttyrýǵa negizdelgenin eskerip ótti.
«Bul baǵdarlamanyń maqsaty - úıdiń aldyńǵy jaǵyn boıaý ǵana emes. Eger de ákim kósheler ádemi bolsyn dese, onda qarjyny taýyp, úıdiń qasbetin boıaýmen aınalyssyn»,-dep túıdi mınıstr.
