Premer-Mınıstrdiń birinshi orynbasary Ó. Shókeev Shańǵy jarystary federatsııasynyń prezıdenti boldy
STANA. Maýsymnyń 11-i. QazAqparat /Rýslan Ǵabbasov/ - Buqaralyq sportty damytýda shańǵy sportyn jetildirýdiń mańyzy zor.
Bul týraly búgin Úkimette shańǵy sporty máselesine arnalǵan keńeste Premer-Mınıstrdiń birinshi orynbasary Ómirzaq Shókeev aıtty, dep habarlaıdy QazAqparat.
«Aldaǵy ýaqytta Azııada turǵany belgili. Sporttyń osy túrine óte úlken senim artyp otyrmyz. Ýaqyt óte tyǵyz, sondyqtan biz tıisti jumystardy jedel túrde atqarýymyz qajet», - dedi Ó. Shókeev.
Sonymen qatar ol elimizdegi shańǵy bazalaryn tártipke keltirý sharalaryn qolǵa alýdy tapsyrdy. «Elordadaǵy, Býrabaıdaǵy, Óskemendegi jáne Qostanaıdaǵy shańǵy bazalaryn halyqaralyq deńgeıge jetkizý turǵysynda tıisti sharalar atqaryla bastaıdy. Al Almatyda bul jumystar qazir júrgizilýde», - dedi Premer-Mınıstrdiń birinshi orynbasary.
Osy oraıda Ó. Shókeev Qazaqstanda shańǵy trassalary qalpyna keltirilip, jas shańǵyshylardy tárbıeleýge múmkindik bolatynyn jetkizdi. «Eń bastysy, bul turǵyda buqaralyq sportty damytýǵa nazar aýdarylady. Osyǵan baılanysty mindetti túrde oń nátıjeler bolady», - dedi ol.
Aıta keteıik, Ómirzaq Shókeev Shańǵy jarystary federatsııasynyń prezıdenti bolyp taǵaıyndaldy. «Shańǵy - sporttyń jaqsy túri. Men osy qyzmetke qýana kirisip otyrmyn», - dedi ol búgingi keńes barysynda.
