Premer-Mınıstrdiń birinshi orynbasary Qyzylorda oblysyna keldi

QYZYLORDA. QazAqparat-Búgin Qyzylorda oblysyna is-saparmen Premer-Mınıstrdiń birinshi orynbasary Asqar Mamın keldi,-dep habarlady QazAqparat HAA tilshisi oblystyq ákimdikke silteme jasap.

Juldyzdy qalashyq Baıqońyrdan bastalǵan sapar barysynda ol «Proton» montajdaý-synaq kesheninde bolyp onyń jumysymen tanysady. Sondaı-aq, «Báıterek» jobasynyń oryndalý barysyn kóredi. Munan keıin «Zenıt» montajdaý-synaq zymyran tasyǵysh keshenine aıaldap, burynǵy «Zenıt» zymyran tasyǵyshynyń ushý alańynda bolady.

Qyzylorda qalasynda jalǵasyn tabatyn is-sapar barysynda Asqar Mamın «Nur Orda» móltek aýdany men paıdalanýǵa berilgen kópir qurylysnda jáne shyny zaýyty qurylysymen tanysady dep kútilýde. Munan ózge de birneshe nysanda bolý josparda bar.