Premer-Mınıstr «Jol kartasyn» júzege asyrý kezinde anyqtalǵan zańbuzýshylyqtar boıynsha arnaıy otyrys ótetinin málimdedi
sp;ASTANA. Qarashanyń 26-sy. QazAqparat /Rýslan Ǵabbasov/ - Búgin Úkimette ótip jatqan selektorlyq keńeste Premer-Mınıstr Kárim Másimov 2009 jylǵy «Jol kartasyn» júzege asyrý kezinde anyqtalǵan zańbuzýshylyqtar boıynsha arnaıy otyrys ótetinin málim etti,
dep habarlaıdy QazAqparat.
«Biz jeltoqsan aıynyń ortasyna qaraı arnaıy otyrysty bıylǵy jyldyń «Jol kartasyn» júzege asyrý kezindegi zańbuzýshylyqtarǵa qatysty ótkizemiz. Osyǵan baılanysty Qarjy mınıstrligine bólek tapsyrma beriledi», dedi K.Másimov. Úkimet basshysy bul baǵyttaǵy tájirıbeni quqyq qorǵaý organdarymen birlese arnaıy daıyndaý kerektigin jetkizdi. «Osy másele boıynsha anyqtalǵan zańbuzýshylyqtar turǵysynda ár oblystarǵa sholý jasaımyz», dedi ol. K.Másimov bul sharalardyń barlyǵyn 2010 jyldyń «Jol kartasyna» daıyndalý kezinde eskerý kerektigin atap ótti.
