Premer- Mınıstr jemis-jıdekter men kókónisterdi syrttan ákeletin 20 iri kompanııaǵa tekserý júrgizýdi tapsyrdy

Ol bul tapsyrmany búgin Úkimettiń selektorlyq keńesinde berdi, dep habarlaıdy QazAqparat.

Qarjy mınıstri Bolat Jámishevtiń aıtýynsha, Qazaqstanǵa syrttan tasymaldanatyn jemis-jıdekter men kókónisterdiń 47 paıyzy 20 iri ımportshylardyń úlesinde. Onyń 10-y jeke kásipkerler bolsa, bulardyń 7-eýi Almaty oblysynyń Panfılov aýdanynda tirkelgen. Bul rette bıýdjetke túsetin salyqtardyń 98 paıyzy ımporttaýshy zańdy tulǵalardyń úlesine tıse, al nebári 1,8 paıyzy jeke tulǵalardyń, ıaǵnı  jeke kásipkerlerdiń úlesinde eken. «Importtalatyn ónimderdiń 47 paıyzy 20 iri ımportshynyń úlesinde. Bizde jergilikti atqarýshy organdar ózara árekettese alatyn  iri kásipkerlerdiń sýbektileri, zańdy tulǵalar bar. Bul rette bul ımportshylar elimizdiń aýmaǵy boıynsha ózderiniń júkterin tasymaldaýda qorǵansyz degenge kúmánim bar», dedi mınıstr.