Premer-Mınıstr «Jasyl ekonomıkaǵa» kóshý jónindegi keńes otyrysyn ótkizdi
ASTANA. QazAqparat - Búgin Úkimet úıinde Baqytjan Saǵyntaevtyń tóraǵalyǵymen Qazaqstan Respýblıkasy Prezıdenti janyndaǵy «Jasyl ekonomıkaǵa» kóshý jónindegi keńes otyrysy ótti.
Otyrys barysynda Qazaqstan Respýblıkasynyń «jasyl ekonomıkaǵa» kóshý boıynsha Tujyrymdamasynyń 2013-2020 jyldarǵa arnalǵan Іs-sharalar josparyn iske asyrý barysy qaraldy, dep habarlaıdy primeminister.kz.
QR energetıka, aýyl sharýashylyǵy mınıstrlikteriniń basshylary men Ońtústik Qazaqstan oblysynyń ákimi «Qaldyqtardy basqarý», «Sý resýrstaryn basqarý» jáne «Jasyl» ekonomıkany iske asyrý» baǵyttary boıynsha júrgizilgen jumystyń aralyq qorytyndylary týraly baıandady.
Sondaı-aq, otyrys aıasynda «Jasyl ekonomıkany» jáne G-Global-dy damytý koalıtsııasy» ZTB basqarma tóraǵasy S. Rahymbekova, «Kaz Waste» Qazaqstandyq qaldyqtardy basqarý boıynsha qaýymdastyqtyń atqarýshy dırektory V. Mustafına, «Jasyl Akademııa» ǵylymı-bilim berý ortalyǵynyń dırektory B. Esekına jáne basqalary sóz sóıledi.
