Premer-Mınıstr janarmaı tapshylyǵy ne sebepti bolýy múmkin ekenin aıtty
«Іshki naryqty munaı ónimderimen qamtamasyz etý jáne olardyń baǵasy týraly jeke toqtalǵym keledi. Elimizde janar-jaǵarmaı óndirý jyl saıyn ósip keledi. Sonymen qatar, ony tutyný kólemi de artyp otyr. Biraq, ol bizdiń ózimizdiń ishki tutyný kóleminiń ósýimen baılanysty bolyp otyrǵan joq. Baǵasy aıtarlyqtaı arzan bolǵandyqtan, bizdiń janarmaıdy kórshi elderge tasyp áketý úrdisi beleń aldy. Máselen, benzın quny Reseıde 45%-ke, Qyrǵyzstanda 64%-ke, Ózbekstanda 100%-ten joǵary. Nátıjesinde biz janarmaı tapshylyǵyna, ásirese, egin egý kezinde dızel otynymen qamtamasyz etýde eleýli qıyndyqtarǵa kezigip otyrmyz», - dedi Á. Smaıylov Úkimet otyrysynda Prezıdenttiń QR Parlamenti sessııasynyń ashylýynda bergen tapsyrmalaryn iske asyrý barysyn talqylaý kezinde.
Onyń aıtýynsha, búginde otandyq munaı óńdeý zaýyttary óz múmkindikteriniń eń joǵary sheginde jumys istepr jatyr.
«Sondyqtan, benzın men dızel otynynyń baǵasyn odan ári ustap turý eldiń energetıkalyq qaýipsizdigine teris áser etýi múmkin. Biz Qazaqstan men kórshiles elder arasyndaǵy baǵa aıyrmasyn tómendetýge májbúrmiz. Bizde budan basqa jol joq. Áıtpese, bir aıdan keıin janarmaı tapshylyǵyna tap bolamyz», - dedi Úkimet basshysy.
Budan buryn habarlanǵandaı, 12 sáýirden bastap AI-92 benzıni men dızel baǵasy ósedi.
