Premer-Mınıstr Jańaózendegi mektepter men balabaqshalardyń aıryqsha baqylaýda bolýyn tapsyrdy

Bul týraly Úkimet basshysy Kárim Másimov búgin Úkimet otyrysynda aıtty. «Mektepter men balabaqshalardy aıyryqsha baqylaýda ustaý kerek. Búgingi tańda Elbasy tapsyrmasy boıynsha Úkimettik komıssııa quryldy. Komıssııa keltirilgen shyǵynnyń kólemin anyqtaý men jaǵdaıdy turaqtandyrý úshin qajetti sharalardy qabyldap jatyr», dep atap ótti K.Másimov. Bul jumystardy Premer-Mınıstrdiń birinshi orynbasary Ómirzaq Shókeev atqarýda. «Úkimettik komıssııanyń jumysy keshendi, ashyq jáne jarııaly bolady», -dep toqtaldy Úkimet basshysy. «Medıtsınalyq mekemelerde dárigerler men dári-dármek quraldary jetkilikti bolýy tıis. Medıtsınalyq jedel járdem úzdiksiz jumys isteýi shart», -dep tapsyrdy K.Másimov.