Premer-Mınıstr Jańa jylda joldardyń qaýipsizdigin qadaǵalaýdy Asqar Mamınge tapsyrdy
ASTANA. QazAqparat - Qazaqstan Respýblıkasynyń Premer-Mınıstri Baqytjan Saǵyntaev Jańa jyldaǵy mereke kúnderi respýblıkanyń avtojoldaryndaǵy qaýipsizdikti qadaǵalaýdy óziniń birinshi orynbasary Asqar Mamınge tapsyrdy, dep habarlaıdy QazAqparat.
Úkimet basshysy Jańa jylǵa qarsy qoǵamdyq tártipti, joldardaǵy qaýipsizdik pen ózge de jaǵdaılardy qatań baqylaý úshin búkil memlekettik organdarǵa jedel áreket etetin kezekshiler otyrsyn degen tapsyrma berdi.
«Іshki ister mınıstrligi búginnen bastap kúsheıtilgen rejımde jumys isteýge kirissin. Sondaı-aq, Jańa jyldyq merekeler ótetin oryndardy baqylaýǵa alý kerek. Ásirese, órt qaýipsizdigi nazarda bolsyn. Oblys ákimderi, Astana jáne Almaty qalalarynyń basshylaryna Іshki ister mınıstrligimen birge, aýa raıyn eskere otyryp, joldardaǵy avtokólikterdiń qaýipsizdigi úshin aldyn ala shara qoldanýdy tapsyramyn. Búkil memlekettik organdarda jedel áreket etetin kezekshi otyrýy kerek. Bul isti Asqar Mamın ózi baqylasyn»,-dedi B.Saǵyntaev.
