Premer-Mınıstr jańa ınvestıtsııalyq tujyrymdama ázirleýdi tapsyrdy
NUR-SULTAN. QazAqparat – QR Premer-Mınıstri Álıhan Smaıylov Ulttyq ekonomıka jáne Syrtqy ister mınıstrlikterine jańa ınvestıtsııalyq tujyrymdamasyn ázirleýdi tapsyrdy, dep habarlady QazAqparat tilshisi.
«Altynshy, kóktemgi egis jumystaryn sapaly ári ýaqtyly ótkizý úshin Aýyl sharýashylyǵy mınıstrligine, aýylsharýashylyǵy óndirýshileriniń materıaldyq-tehnıkalyq jabdyqtaý jáne ýaqytynda sýbsıdııalaýǵa qajetti sharalar qabyldaýdy tapsyramyn», - dedi Úkimet basshysy.
Sondaı-aq, ol ınvestıtsııalyq saıasatty da jańalaý kerektigin atady.
«Jetinshi Ulttyq ekonomıka jáne Syrtqy ister mınıstrlikterine jańa ınves t ı ts ııalyq saıasat tujyrymdamasyn ázirleýdi tapsyramyn», - dedi Álıhan Smaıylov Úkimet otrysynda.
Premer-Mınıstr «Samuryq-Qazyna» qoryndaǵy kompanııalardyń qyzmetin reformalaýdy da tapsyrdy.
«Ulttyq ekonomıka mınıstri múddeli memlekettik organdarmen, Strategııalyq josparlaý agenttigimen, «Samuryq-Qazyna» qorymen jáne «Atameken» kásipkerler palatasymen birge qor kompanııalary qyzmetiniń tıimdiligine taldaý júrgizip, ony reformalaý boıynsha naqty usynystar daıyndasyn», - dedi Álıhan Smaıylov.
