11:00, 24 Qańtar 2020 | GMT +6
Premer-Mınıstr: Úkimettiń basty mindetteriniń biri – ónimdi jumys oryndaryn ashý
NUR-SULTAN. QazAqparat – Úkimet basshysy Asqar Mamın bıyl Qazaqstanda 430 myń jańa jumys orny ashylatynyn málimdedi. Ol bul týraly Prezıdent Qasym-Jomart Toqaevtyń qatysýymen ótip jatqan Úkimettiń keńeıtilgen otyrysynda aıtty, dep habarlaıdy QazAqparat tilshisi.
«Úkimettiń basty mindetteriniń biri – ónimdi jumys oryndaryn ashý. Buǵan ınvestıtsııalyq jobalardy júzege asyrý arqyly qol jetkizgimiz keledi», - dedi Asqar Mamın.
Onyń aıtýynsha, ekonomıka salalarynda 2020 jyly 430 myń jańa jumys orny ashylady.
«Munda jańa jumys oryndary negizinen týrızm, saýda men qurylys salalarynda, sondaı-aq, óńdeý ónerkásibi men AÓK salasynda da jańa jumys oryndary ashylady», - dedi Asqar Mamın.
