Premer-Mınıstr Úkimet múshelerin Prezıdent synynan sabaq alyp, belsendi jumys isteýge shaqyrdy

NUR-SULTAN. QazAqparat – QR Premer-Mınıstri Álıhan Smaıylov Úkimet múshelerin Prezıdenttiń keshegi keńeıtilgen otyrysta aıtqan synynan sabaq alýǵa shaqyrdy, dep habarlaıdy QazAqparat tilshisi.

«Prezıdent bergen tapsyrmalardy jedel ári nátıjeli oryndaý kerek. Prezıdenttiń bizdiń jumysymyzǵa qatysty keshe aıtylǵan syny óte mańyzdy ekenin atap ótkim keledi», -dedi ol Úkimet otyrysynda.

Úkimet basshysynyń paıymynsha, barlyq memlekettik organdar, ákimdikter men kvazımemlekettik sektor belsendiligin arttyrýy qajet.

«Birinshi basshylar Prezıdent tapsyrmalarynyń oryndalýyn jeke baqylaýǵa alýy kerek. Jobalar men baǵdarlamalardyń barlyǵy óńirlerde júzege asyrylady. Olar halyqtyń ál-aýqatyna tikeleı áser etedi. Sondyqtan Úkimet pen ákimdikter ózara tyǵyz baılanys ornatyp, árbir máseleni birlesip sheshýi kerek.

Jalpy Úkimet jumysynyń nátıjeli bolýy árqaısymyzdyń tıimdi jumys isteýimizge baılanysty. El ekonomıkasynyń damýy, azamattardyń turmys sapasynyń jaqsarǵanyn sezinýi úshin josparlanǵan jumysty birlesip júzege asyrýǵa kúsh salýymyz kerek», - dedi Álıhan Smaıylov.

Aıta ketsek, Úkimettiń keńeıtilgen otyrysynda Memleket basshysy Qasym-Jomart Toqaev Mınıstrler kabınetiniń jumysyna ortasha degen baǵa bergen bolatyn.