Premer-Mınıstr Úkimet múshelerin elektrondyq jańashyldyqtardy paıdalanýǵa shaqyrdy
A. Qyrkúıektiń 21-i. QazAqparat /Ernur Aqanbaı/ - Premer-Mınıstr Kárim Másimov mınıstrlikterdiń jáne agenttikterdiń basshylaryn Úkimet basshysynyń tapsyrmasyn shuǵyl túrde alyp otyrýǵa múmkindik beretin elektrondyq jańashyldyqtardy paıdalanýǵa shaqyrdy.
Ol bul tapsmyrmany Úkimettiń Baılanys jáne aqparat mınıstrliginde ótken búgingi kóshpeli otyrysynda berdi. Premer-Mınıstr bul oraıda mınıstrlikter men agenttikterdiń basshylary, sonyń ishinde ózi de, «qupııa emes» elektrondy poshtalaryn BlackBerry-ge (bunyń kómegimen uıaly telefon arqyly elektrondy poshtany paıdalanýǵa bolady) shyǵarý qajet dep esepteıdi. Ol Baılanys jáne aqparat mınıstrligine Premer-Mınıstrdiń keńsesimen, sondaı-aq «Qazaqtelekom» komanııasymen birlesip bul máseleni pysyqtaýǵa bir apta ýaqyt berdi.
K. Másimov qaramaǵyndaǵylarǵa tapsyrma júkteý úshin bul qyzmet túrin paıdalanýǵa qulyqty ekenin jáne qaramaǵyndaǵylar da osy qyzmet túri arqyly ózine tikeleı ótinish jasaı alatynyn atap kórsetti.
Onyń pikirinshe, aqparattandyrý úderisin Úkimet músheleri aldymen ózinen bastamasa, is bir ornynan qozǵalmaıdy. «Biz bul máseleni ornynan qozǵaýymyz kerek. Men memleket basshylarynyń, úkimet basshylarynyń avtomobılde otyryp «qupııa emes» poshtalardy paıdalanǵanny kórdim», dedi ol.
