Premer-Mınıstr Túrkııanyń bıznes qurylymdarynyń basshylarymen kezdesti
ASTANA. QazAqparat - Búgin Astanada Qazaqstan Respýblıkasynyń Premer-Mınıstri Baqytjan Saǵyntaev Túrkııanyń bıznes qurylymdarynyń ókilderimen kezdesý ótkizdi, dep habarlaıdy QR Úkimetiniń baspasóz qyzmeti.
Olardyń ishinde «Calik Holding», «Yildirim Holding», «Yildizlar SSS Holding», «Agrobest Group» jáne t. b. iri túrik holdıngteriniń basshylary bar.
Kezdesý barysynda qurylys materıaldaryn, mashına jasaý óndimderin óndirý, hımııa ónerkásibi, taý-ken-metallýrgııa sektory, energetıka jáne agroónerkásip kesheni salalarynda birlesken ınvestıtsııalyq jobalardy júzege asyrý máseleleri talqylandy.
Aıta keteıik, QR-dan Túrkııaǵa eksport 53,8%-ǵa ósip, 563,3 mln AQSh dollaryn quraǵan.
Túrkııadan Qazaqstanǵa tikeleı ınvestıtsııalar aǵymy 2005 jyldan bastap 2017 jyldyń 1 toqsany aralyǵynda 2,1 mlrd AQSh dollaryn quraǵan.
Qazaqstan men Túrkııa arasyndaǵy taýar aınalymy bıylǵy jyldyń 6 aıynda 925,1 mln AQSh dollaryn quraǵan, bul ótken jyldyń osy kezeńindegi kórsetkishinen 36,1%-ǵa joǵary.
2017 jyldyń birinshi jartyjyldyǵynda Qazaqstanda túrik úlesiniń qatysýymen 4114 zańdy tulǵa, bólimsheler men ókildikter tirkelgen.
Búgingi tańda Saýda-ekonomıkalyq yntymaqtastyq boıynsha Qazaqstan - Túrkııa úkimetaralyq komıssııasynyń belsendi qatysýymen jalpy somasy shamamen 1 mlrd AQSh dollaryn quraıtyn, 26 birlesken ınvestıtsııalyq jobadan turatyn «Jańa sınergııa» atty ortaq ekonomıkalyq baǵdarlama Hattamasynyń jańa jobasy bekitildi.
Jalpy alǵanda, búgingi tańda qazaqstandyq-túrik ınvestıtsııalyq bastamalarynyń jalpy paketi jalpy somasy 2,7 mlrd AQSh dollaryn quraıtyn 70 jobadan turady, olardyń 31-i iske asyrylǵan, shamamen 40 jobasy júzege asyrylýda ári perspektıvalyq bolyp tabylady.
