Premer-Mınıstr transshekaralyq ózenderdiń jaǵdaıy boıynsha málimet almasýdy jetildirýdi tapsyrdy
Mundaı tapsyrmany Álıhan Smaıylov Úkimet otyrysynda kóktemgi tasqynǵa daıyndyq máselesi boıynsha aıtty.
«Indýstrııa mınıstrligi men ákimdikterge sý tasyǵan kezde joldardyń, kópirler men bógetterdiń daıyn bolýyn qamtamasyz etýdi tapsyramyn.
Tótenshe jaǵdaılar mınıstrligi múddeli memlekettik organdarmen jáne ákimdiktermen birlesip, sý tasqynyna qarsy barlyq is-sharalardy úılestirýdi jáne olardyń sapaly iske asyrylýyn qamtamasyz etsin», -dedi Úkimet basshysy.
Sondaı-aq, ol atalmysh vedomstvoǵa Ekologııa, geologııa jáne tabıǵı resýrstar mınıstrligine birlesip, transshekaralyq ózenderdegi jaǵdaı týraly kórshiles memlekettermen ózara málimet almasýdy uıymdastyrýdy tapsyrdy.
«Tótenshe jaǵdaılar mınıstrligi ákimdermen birge jedel shtabtar qurýdy, tasqyn qaýpi týyndasa, halyqty ýaqytyly habardar etýdi qamtamasyz etsin. Atalǵan másele boıynsha jumysty úılestirý Roman Vasılevıchke júkteledi», -dedi Premer-Mınıstr.
