Premer-Mınıstr tıisti vedomstvolarǵa kóktemgi egis naýqanyna daıyndyq máselesin qarastyrýdy tapsyrdy
ASTANA. 22 aqpan. QazAqparat /Rýslan Ǵabbasov/ - Búgin Úkimet otyrysynda Premer-Mınıstr Kárim Másimov Aýyl sharýashylyǵy men Munaı jáne gaz mınıstrlikterine kóktemgi egis naýqanyna daıyndyq máselesin qarastyrýdy júktedi.
Úkimet basshysynyń sózine qaraǵanda, janar-jaǵarmaımen qamtamasyz etý jáne onyń baǵasyna qatysty máselelerdi qaraý qajet. Osy oraıda K. Másimov astyqty óńirlerdiń ákimderimen, sondaı-aq kásiporyndardyń basshylarymen tıisti sharalardy zerdeleýdi tapsyrdy.
Munymen qosa Úkimet otyrysynda Premer-Mınıstr qurylys materıaldary men dári-dármek baǵasyn qadaǵalaýdy, al bıýdjettik baǵdarlamalar ákimshilerine bıýdjet resýrstarynyń oryndalýyn qatań baqylaýdy júktedi.
