Premer-Mınıstr tıimsiz bıýdjet shyǵystaryn qysqartý tásilderin 2 aptada jarııalaýdy tapsyrdy
NUR-SULTAN. QazAqparat - 1 apta ishinde Qarjy mınıstrligine tıimsiz bıýdjet shyǵystaryn qysqartý boıynsha usynystar engizilýi tıis.
Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.
«Memleket basshysy orta merzimdi kezeńde ekonomıkany damytý josparyn 15 mamyrǵa deıin daıyndaýdy tapsyrdy. Jospardy daıyndaý boıynsha Ulttyq ekonomıka mınıstrliigi usynǵan jumysty uıymdastyrý tásilderimen jalpy kelisemin», - dedi ol.
Sonymen qatar Asqar Mamın Memleket basshysy tıimsiz bıýdjet shyǵystaryn, onyń ishinde kvazımemlekettik sektordyń da shyǵystaryn qysqartýdy tapsyrǵanyn atap ótti.
«Osyǵan oraıda mınıstrler men ákimderge, ulttyq kompanııalardyń basshylaryna bir apta merzimde Qarjy mınıstrligine usynystar engizýdi tapsyramyn. Qarjy mınıstrligi 2 aptadan keıin tıimsiz bıýdjet shyǵystaryn qysqartý boıynsha ázirlengen tásilder týraly Úkimet otyrysynda baıandasyn», - dedi Premer-Mınıstr.
