Premer-Mınıstr taý-ken metallýrgııa kásiporyndarynyń basshylaryn óndiristegi qaýipsizdik máselesine jiti nazar aýdarýǵa shaqyrdy
A. Jeltoqsannyń 10-y. QazAqparat /Ernur Aqanbaı/ - Premer-Mınıstr Kárim Másimov elimizdegi taý-ken metallýrgııa kásiporyndarynyń basshylyǵyn óndiristegi qaýipsizdikti qamtamasyz etip, ondaǵy tozyǵy jetken qural-jabdyqtardy jańartýǵa shaqyrdy.
Premer-Mınıstr bul oıyn búgin Astanada ótip jatqan taý-ken metallýrgııa qyzmetkerleriniń ІІ sezinde bildirdi, dep habarlaıdy QazAqparat.
Premer-Mınıstrdiń aıtýynsha, óndiristegi qaýipsizdikti qamtamasyz etý jáne ondaǵy tozyǵy jetken qural-jabdyqtardy jańartý úshin ınvestıtsııa salý máselesi kásiporyndardyń menshik ıeleri men basshylarynyń basty nazarynda bolýy tıis.
«Múmkin bul másele boıynsha salyqtyq yntalandyrýǵa nazar aýdarý kerek shyǵar. Nemese basqa da tustardy qaraǵan jón», dedi Úkimet basshysy.
Onyń aıtýynsha, eger qazirden bastap óndiristegi qaýipsizdikti qamtamasyz etý máselesine nemquraıdy qaraıtyn bolsaq, oǵan ınvestıtsııa salmasaq bul problema aldymyzdan shyǵady da turady.
