Premer-Mınıstr sýdy únemdeıtin fermerlerge ǵana sýbsıdııa berýdi usyndy
Egis alqaptaryna jiberiletin sýdyń biraz bóligi eskirgen kanaldardyń saldarynan ysyrap bolyp jatqanyna toqtalǵan Úkimet basshysy: «Negizinde, jaz aılarynda sýdyń shyǵyny 10-15 paıyzdan aspaýy tıis. Ol úshin barlyq sýarý kanaldary men sý qoımalaryn jónge keltirý qajet. Ondaǵy barlyq protsesterdi mindetti túrde avtomattandyryp, tsıfrlandyrý kerek. Ásirese, sýdy barynsha utymdy paıdalaný máselesi basty nazarda bolýy tıis. Ol úshin Aýyl sharýashylyǵy mınıstrligi ákimdiktermen birlesip, daqyldardy ártaraptandyrý jumystaryn kúsheıtýi qajet», - dedi.
Onyń aıtýynsha, sýarmaly egis alqaptaryndaǵy sý tarıfterine qatysty másele kóp.
«Memleket basshysy qoldanystaǵy tarıfter sýdy únemdep jumsaýǵa yntalandyrmaı otyrǵanyn basa aıtty. Sondyqtan bul saladaǵy tarıftik saıasatty qaıta qarap, adamdardyń sýǵa degen kózqarasyn durys qalyptastyrý qajet. Jalpy Ekologııa jáne tabıǵı resýrstar, Aýyl sharýashylyǵy mınıstrlikteri men óńir ákimdikteri vegetatsııalyq kezeńde belgilengen barlyq josparlardy oryndaý boıynsha jumysty kúsheıtýi tıis», - dedi Premer-Mınıstr.
Osy oraıda ol mınıstrlikterge birqatar tapsyrma berdi.
«Birinshiden, Ekologııa, Syrtqy ister mınıstrlikteri múddeli memlekettik organdarmen birlesip, sý dıplomatııasy boıynsha naqty pozıtsııany aıqyndap, ony úkimetaralyq komıssııalar aıasynda bizdiń múddelerimizdi eskere otyryp qorǵaýdy qamtamasyz etýi qajet. Ekologııa mınıstrligi men ákimdikter sý sharýashylyǵy obektilerin salý jáne kúrdeli jóndeý jobalaryn, sondaı-aq sýdy esepke alýdyń tsıfrlyq júıelerin engizý jumystaryn jalǵastyrýy kerek. Ekinshiden, Aýyl sharýashylyǵy mınıstrligi sýarý tásilderine baılanysty Sýbsıdııalardy saralaý erejeleriniń tez arada qabyldanýyn qamtamasyz etýi qajet. ıAǵnı, sýdy únemdeý tehnologııalaryn qoldanǵan fermerlerge ǵana sýbsıdııa berilýi tıis. Sýdy tıimdi paıdalanýǵa yntalandyrý, onyń ishinde únemdeý jáne tamshylatyp sýarý tehnologııalaryn engizý men jańbyrlatyp sýarý qondyrǵylaryn paıdalaný boıynsha jumysty kúsheıtý qajet», - dedi Álıhan Smaıylov.
Munymen qosa oblys ákimdikterine «Qazsýshar» fılıaldarymen birlesip, aýyl sharýashylyǵy daqyldaryn kezekpen sýarýdy uıymdastyryp, qaıtarymdy sýlardy qaıta paıdaǵa jaratýy júkteldi. Bul kanaldardaǵy sý shyǵynyn azaıtýǵa jáne sýdy únemdep tutynýǵa múmkindik beredi.
