Premer-Mınıstr SQO kásiporyndarynyń basshylarymen qorǵanys-ónerkásip keshenin jańǵyrtý máselelerin talqylady
ASTANA. QazAqparat - Qazaqstannyń eń iri mashına jasaý kásiporyndarynyń biri «PAMZ» AQ-ny aralaý barysynda damý máseleleri talqylandy, onda QR Premer-Mınıstri Baqytjan Saǵyntaev munaı-gaz jáne energetıka salalaryna jabdyqtar daıyndaý, sonymen qatar qorǵanystyq mańyzǵa ıe ónimderdi ázirleý úderisterimen tanysty.
Oblys ákiminiń orynbasary D. Jandarbek Baqytjan Saǵyntaevty «Tsıfrlyq Qazaqstan» memlekettik baǵdarlamasy aıasynda kásiporynnyń qyzmeti men damý keleshegi týraly aqparattandyrdy, dep habarlaıdyprimeminister.kz .
Іri kásiporyndardyń basshylarymen kezdesýde tehnologııalyq jańǵyrtý men óndiristi tsıfrlandyrý, qorǵanys-ónerkásip keshenine Indýstrııa 4.0 elementterin engizý boıynsha qabyldanyp jatqan sharalar talqylandy.
Keńes barysynda QR qorǵanys jáne aeroǵarysh ónerkásibi mınıstri B. Atamqulov, QR ınvestıtsııalar jáne damý mınıstri J. Qasymbek, Soltústik Qazaqstan oblysynyń ákimi Q. Aqsaqalov, «Petropavl aýyr mashına jasaý zaýyty» AQ bas dırektory Q. Bıshimov, «S. M. Kırov atyndaǵy zaýyt» AQ bas dırektory M. Ábilmajınov, «ZIKSTO» AQ bas dırektory V. Spıtsyn, «Munaımash» AQ basqarma tóraǵasy S. Pýshkarev, «KJZ» JShS dırektory N. Vasılev jáne «Blok» JShS dırektory A. Sysoev sóz sóıledi.
