Premer-Mınıstr SQO-da medıtsınalyq qyzmetterdiń sapasyn arttyrý sharalarymen tanysty
PETROPAVL. QazAqparat - Soltústik Qazaqstan oblysyna jumys sapary aıasynda Premer-Mınıstr Baqytjan Saǵyntaev densaýlyq saqtaý júıesin damytý barysymen tanysty. Atap aıtqanda, medıtsınalyq ınfraqurylymdy jańartý sharalary qaraldy, dep habarlaıdy primeminister.kz.
Prezıdenttiń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» joldaýynda halyqtyń ómir súrý uzaqtyǵynyń ósýine jáne medıtsınalyq tehnologııalardyń damýyna baılanysty medıtsınalyq qyzmet kórsetýge degen suranys kólemi arta túsetini týraly aıtylǵan. Soltústik Qazaqstan oblysynda sońǵy 5 jylda ortasha ómir súrý uzaqtyǵy 1,2 jylǵa artty, qaterli isik aýrýlarynan ólim kórsetkishi 16,3%-ǵa, týberkýlezden ólim 35,8 %-ǵa, qan aınalymy júıesinen bolatyn aýrýlardan týyndaıtyn ólim 38,5%-ǵa tómendedi, týberkýlezben aýyrý kórsetkishi 21%-ǵa azaıdy.
Osylaısha, Baqytjan Saǵyntaev Memleket basshysynyń usynylatyn medıtsınalyq qyzmetterdiń sapasyn arttyrý jónindegi tapsyrmasynyń oryndalý barysymen oblystyq aýrýhanany aralaý kezinde jáne jańa kópbeıindi medıtsına mekemesi jobasynyń tusaýkeseri barysynda tanysty.
700 orynǵa arnalǵan kópbeıindi oblystyq aýrýhanany salý Petropavl qalasynda Soltústik Qazaqstan oblysynyń densaýlyq saqtaý ınfraqurylymdaryn damytýdyń 2018-2025 jyldarǵa arnalǵan perspektıvalyq josparynda qarastyrylǵan.
Atalmysh nysan joǵary tehnologııaly medıtsına qyzmetteriniń qoljetimdiligin arttyrady. Oblys ákiminiń orynbasary M. Qojahmet nysannyń perspektıvalary týraly baıandaı otyryp, memlekettik-jekeshelik áriptestik tetikterin paıdalaný arqyly qymbat medıtsınalyq jabdyqtardy satyp alý josparda bar ekenin atap ótti.
Jańa medıtsınalyq nysandy iske qosýdan 2025 jylǵa qaraı kútiletin nátıjeler: qan aınalym júıesi jáne onkologııa aýrýlary saldarynan bolatyn ólim-jitim deńgeıin tómendeýi, jalpy halyqtyń ortasha ómir súrý uzaqtyǵynyń 72 jasqa deıin ósýi, medıtsına kadrlarynyń jetispeýshiligin 4%-ǵa deıin tómendeýi jáne taǵy basqalar.
Jalpy 2018 jyly oblystaǵy densaýlyq saqtaý salasyna (onyń ishinde, densaýlyq saqtaý nysandaryn salýǵa, materıaldy jáne tehnıkalyq bazany nyǵaıtýǵa) 3788,3 mlrd teńge qarastyrylǵan. Birinshi tamyzdaǵy derek boıynsha onyń 97,3% ıgerildi.
Sondaı-aq, sapar barysynda Premer-Mınıstr Baqytjan Saǵyntaev oblystaǵy sport jáne salaýatty ómir saltyn nasıhattaýǵa arnalǵan ámbebap tennıs ortalyǵyn aralap kórdi. Bul áleýmettik nysan 4 jabyq, 3 ashyq tennıs alańynan turady. Sonymen qatar, eki jabyq alań basketbol men voleıbolǵa arnalǵan ámbebap sport alańyna túrlenedi.
