Premer-Mınıstr sanıtarlyq baqylaýdy densaýlyq saqtaý júıesiniń basqarýyna berý máselesin pysyqtaýdy tapsyrdy
Úkimet basshysy veterınarlyq qadaǵalaý jaǵdaıyna toqtaldy. «Vetınarlyq qadaǵalaý boıynsha jergilikti jerlerdi tıisti baqylaý bolmaı tur»,-dedi.
Premer-Mınıstr sanıtarlyq-epıdemıologııalyq baqylaý qyzmetin Densaýlyq saqtaý jáne áleýmettik damý mınıstrliginiń basqarýyna berý sharalaryn jyldamdatýdy tapsyrdy.
«Biz osyndaı sheshim qabyldaǵanbyz, alaıda ol másele tejelip qaldy. Sanıtarlyq baqylaýdy men densaýlyq saqtaý salasyn qosý kerek. Osy rette jergilikti jerde kimniń nege jaýap beretini, kimniń nemen baratyndyǵy turǵysynda retsizdik oryn alǵanyn baıqadym. Darıǵa Nursultanqyzy, bul másele boıynsha usynys engizýińizdi tapsyramyn. Bizge bul turǵyda tolyq mán-jaıdy ashyp alýymyz kerek»,-dedi K. Másimov.
Budan buryn habarlanǵandaı, Úkimet basshysy Qaraǵandy oblysyna saparynyń qorytyndysy boıynsha Qazaqstan aýmaǵyndaǵy aýrý maldardyń óleksesi kómilgen oryndardyń kúzetin kúsheıtýdi tapsyrdy. «Keshe biz Qaraǵandy oblysynda túıneme máselesi boıynsha keńes ótkizgen bolatynbyz. Aýrý maldardyń óleksesi kómilgen jerlerdi kúzetý baqylaýdan shyǵyp bara jatyr. Osy rettegi jumystardy tyńǵylyqty pysyqtaý kerek jáne bul baǵytta tıisti tapsyrma berdim. Asqar Isabekuly, osy jumystardy úılestirý ákimdermen birge sizge júkteledi. Úkimettiń kelesi otyrysynda osy máseleden bastaımyz»,-dedi K. Másimov vıtse-premer-QR Aýyl sharýashylyǵy mınıstrine qaratyp aıtqan sózinde.