Premer-Mınıstr «Samuryq-Qazyna» Ulttyq ál-aýqat qory» AQ Dırektorlar keńesiniń otyrysyn ótkizdi
ASTANA. 2 qarasha. QazAqparat - QR Úkimet basshysy Kárim Másimovtiń tóraǵalyǵymen «Samuryq-Qazyna» Ulttyq ál-aýqat qory» AQ Dırektorlar keńesiniń kezekti otyrysy ótti.
Otyrysta Qordyń basqarma tóraǵasynyń orynbasary Qýandyq Bıshimbaev Halyqtyq ІRO Baǵdarlasynyń iske asyrylý barysy týraly baıandama jasady, dep habarlanǵan pm.kz. saıtynda.
Q.Bıshimbaev Qor Halyqtyq ІRO-ny tıimdi ótkizýge qajetti normatıvtik-quqyqtyq bazany jetildirý boıynsha usynystar paketin ázirledi jáne Úkimet qaraýyna berdi dep atap kórsetti. Birqatar zańnamalyq aktilerge túzetýler engiziledi dep kútilýde, sonyń ishinde salalyq zańnama, Ulttyq ál-aýqat qory týraly Zań jáne aktsıonerlik qoǵamdar týraly Zań bar.
«Sondaı-aq, Dırektorlar keńesi «Ulttyq ál-aýqat qory týraly» QR Zańynyń jańa redaktsııasyn ázirleý týraly málimetti talqylady. Osy zań jobasy Elbasy Nursultan Nazarbaevtyń Qordy damytýdyń jańa joldary týraly tapsyrmalaryn oryndaý aıasynda ázirlendi. Soǵan sáıkes Qordyń jańa strategııasy Úkimetpen 10 jylǵa bekitiledi. Mazmuny boıynsha ol bızneske baǵyttalady. Zań jobasy taıaý ýaqytta QR Úkimetiniń qaraýyna engiziledi», - delingen habarlamada.
