Premer-Mınıstr «Samuryq-Qazyna» Dırektorlar keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen «Samuryq-Qazyna» ulttyq ál-aýqat qory» AQ Dırektorlar keńesiniń otyrysy ótti. Bul týraly primeminister.kz habarlaıdy.
Otyrys barysynda «Samuryq-Qazyna» AQ transformatsııa baǵdarlamasyn iske asyrý barysy, jekeshelendirý máseleleri talqylanyp, sondaı-aq 2017 jyly atqarylǵan jumystar qorytyndysy shyǵarylyp, kompanııanyń 2018-2022 jyldarǵa arnalǵan damý josparlary qaraldy.
Otyrys qatysýshylary 2014 jyldan bastap 2018 jyldyń 1 toqsany aralyǵyndaǵy paıda men ınvestıtsııalar týraly málimetterden turatyn Qordyń Transformatsııa baǵdarlamasyn iske asyrý týraly esebin tyńdady. Qordyń Dırektorlar keńesinde Esepti júıeli túrde qaraý bolashaqta Baǵdarlamanyń bastamalaryn engizý tıimdiligin arttyrýǵa jol ashatyn basqarý sheshimderin ýaqytyly qabyldaý jáne áreket jasaý úshin qajet.
QR Prezıdentiniń Jarlyǵymen 2008 jyly «Samuryq-Qazyna» qorynyń negizi qalandy. Investıtsııalyq holdıngtiń mindeti - QR ulttyq ál-aýqatyn arttyrý jáne ulttyq ekonomıkany jańǵyrtýdy qoldaý. Qor qorjyndyq kompanııalardy olardyń uzaqmerzimdi qunyn jáne turaqty damýyn arttyrý úshin, sondaı-aq ulttyq ekonomıkanyń basym sektorlaryn damytýǵa ınvestıtsııalardy ótkizý arqyly basqarýmen aınalysady.
