Premer-Mınıstr S. Ahmetovtiń aǵymdaǵy aptadaǵy jumys kestesi
ASTANA. 19 tamyz. QazAqparat - Búgin Astanadaǵy dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev Úkimet basshysy Serik Ahmetovtiń aǵymdaǵy aptadaǵy jumys kestesimen tanystyrdy.
«Erteń, 20 tamyzda Premer-Mınıstr S. Ahmetovtiń tóraǵalyǵymen ótetin Úkimet otyrysynda «Bıznestiń jol kartasy - 2020» baǵdarlamasyn júzege asyrýdyń barysy qaralady. Sonymen qatar otyrysta elimizdegi ana men bala ólimine qarsy kúres is-sharalary keńinen talqylanbaq»,-dedi resmı ókil.
Densaýlyq salasyndaǵy jaǵdaı boıynsha QR Densaýlyq saqtaý mınıstri Salıdat Qaıyrbekova baıandaıdy.
Budan bólek, 21 tamyzda, ıaǵnı Bilim kúni qarsańynda Premer-Mınıstr S. Ahmetov jańa oqý jylyna daıyndyq máselesi boıynsha Úkimet keńesin ótkizedi. Al, 23 tamyzda Úkimet Qazaqstandaǵy agraónerkásip salasynyń damý máselelerin keńinen talqylamaq.
