Premer-Mınıstr: Revaktsınatsııany mindetti túrde jasaımyn

NUR-SULTAN. QazAqparat – QR Premer-Mınıstri Asqar Mamın revaktsınatsııany mindetti túrde jasatatynyn málimdedi, dep habarlady QazAqparat tilshisi.

«Revaktsınatsııany mindetti túrde jasaımyn. Maýsym aıynda saldyrǵan alǵashqy vaktsınam «Spýtnık V» boldy. Tıisinshe, qazir Pfizer bar, bizdiń QazVac jáne Qytaı vaktsınalary bar. Qazir vaktsınalardyń birneshe túri qoljetimdi. Mamandarmen keńesemin, revaktsınatsııaǵa qandaı vaktsına saldyratynymdy áli anyqtamadym. Árıne, birinshi vaktsınadan keıin 6-8 aı ótýi qajet», - dedi A. Mamın BAQ ókilderimen kezdesýde.

Buǵan deıin Asqar Mamın «Sberbankpen» ne úshin jumys isteý qajettigin túsindirgen edi.