Premer-Mınıstr ótkizgen jıynda otandyq óndiristi qoldaý sharalary qaraldy
NUR-SULTAN. QazAqparat – QR Premer-Mınıstri Asqar Mamınniń tóraǵalyǵymen ótken Úkimet otyrysynda kásipkerlik pen otandyq óndiristi qoldaý sharalary qarastyryldy, dep habarlaıdy primeminister.kz.
«Báıterek» UBH» AQ damý ınstıtýttary arqyly kásipkerlerdi memlekettik qoldaýdyń jańa tetikteri týraly holdıngtiń basqarma tóraǵasy Aıdar Áriphanov baıandady.
« Báıterek» holdıngi Úkimettiń elde bıznesti qoldaý jáne damytý boıynsha negizgi operatory jáne Ulttyq ekonomıka mınıstrliginiń bastamalaryn qoldaýǵa ázir », — dedi A. Áriphanov.
Ulttyq ekonomıka mınıstrliginiń usynystaryn iske asyrý úshin holdıngtiń enshiles uıymy - «Damý» kásipkerlikti damytý qorynyń barlyq qajetti ınfraqurylymy bar.
Máselen, «Damý» qorynyń elimizdiń barlyq óńirlerinde 22 fılıaly men óńirlik ortalyǵynan turatyn bólimsheler jelisi bar. Qor Egov portaly arqyly sýbsıdııalaý jáne kepildendirý boıynsha ótinimder qabyldaýdy tolyq ıntegratsııalaýdy júzege asyrdy. 2019 jyly qor barlyq qoldaý sharalaryn tsıfrlyq formatqa kóshirý úshin Online Damu portalyn iske qosty.
2020 jyly «Damý» qorynyń faktorıngtik, lızıngtik operatsııalary, bank kepildikteri jáne t.b. boıynsha kepildikti qarastyratyn kepildendirý quraly boıynsha azyq-túlik jelisi keńeıtiletin bolady.
Sonymen qatar, banktermen qatar «BJK-2025» memlekettik baǵdarlamasynyń qatysýshysy retinde shaǵyn qarjy uıymdaryn qosý arqyly sýbsıdııalaý jáne kepildendirý quralyn jetildirý josparlanǵan, bul mıkro- jáne shaǵyn kásipkerlerdi qamtýdy aıtarlyqtaı arttyrýǵa múmkindik beredi.
Aýyl sharýashylyǵynda jobalardy nesıelendirýdi yntalandyrý maqsatynda AÓK-te nesıe (lızıng) boıynsha mólsherlemeni sýbsıdııalaýdy qarastyrý usynylady. AÓK-te nesıe (lızıng) boıynsha mólsherlemeni sýbsıdııalaý tetigin «BJK-2025» memlekettik baǵdarlamasy aıasynda qoldanystaǵy tetigine sáıkes iske asyrý shamalanady.
«Damý» qorynyń buryn bólingen jáne óz qarajaty esebinen 2020 jyly 11,7 myń ShOB jobasyn qoldaý josparlandy.
Úkimettiń qosymsha qarajat bólýi esebinen «Damý» qory qosymsha 7,7 myń ShOB jobasyna qoldaý kórsetedi, onyń ishinde salystyrmaly ornalastyrý tetigi arqyly 5,8 myń jobaǵa, sýbsıdııalaý quraldary arqyly 1,5 myń jobaǵa jáne kepildendirý quraldary arqyly 0,4 myń jobaǵa qoldaý jasalady.
Atalǵan baǵyttar boıynsha jumys júrgizý úshin «Damý» qoryn qosymsha kapıtaldandyrý qajet, bıýdjettik zańnamaǵa sáıkes qajetti is-sharalar júrgiziletin bolady.
« Osylaısha, qosymsha qarajat bólý jáne kásipkerlikti qoldaý boıynsha qarastyrylǵan is-sharalardy iske asyrý ózekti shara, ol aldaǵy jyldary ShOB úlesiniń artýyna yqpal etýi tıi s », — dep túıindedi A. Áriphanov.
«Atameken» UKP basqarma tóraǵasy A. Myrzahmetov óz kezeginde Ulttyq kásipkerler palatasynyń janyndaǵy operatıvtik shtabqa bıznesten 4 myńnan asa ótinim kelip túskenin habarlady. Onyń 15%-y týrızm salasyna jatady, bul sala memleket tarapynan qoldaýdy asa qajet etedi. A. Myrzahmetov Úkimet tarapynan bıznesti qoldaý sharalary naqty jaǵdaılarda aýqymdy kómek bolatynyn atap aıtty.
