Premer-Mınıstr on kún ishinde Prezıdentke Úkimet quramyn usynady
NUR-SULTAN. QazAqparat – Qazaqstan Respýblıkasynyń Prezıdenti Úkimetti QR Konstıtýtsııasynda kózdelgen tártippen qurady, dep habarlaıdy QazAqparat.
Konstıtýtsııanyń 65-babyna sáıkes, respýblıka Premer-Mınıstri taǵaıyndalǵannan keıingi on kún merzim ishinde Premer-Mınıstr Úkimettiń qurylymy men quramy týraly Respýblıka Prezıdentine usynys engizedi.
Sodan keıin Úkimet músheleri Qazaqstan halqy men Prezıdentine ant beredi.
Eske sala ketsek, búgin Parlament Májilisiniń jalpy otyrysynda Úkimet basshysy laýazymyna Asqar Mamın taǵaıyndaldy.
Elbasy Nursultan Nazarbaev ta osyǵan deıin «Nur Otan» partııasy fraktsııasynyń otyrysynda Úkimet basshysynyń kandıdatýrasyna pikir bildirip, Asqar Mamınniń kandıdatýrasyn qoldaǵan edi.
Sonymen birge, búgin QR Prezıdenti Qasym-Jomart Toqaev 7-shi shaqyrylǵan Parlamenttiń 1-shi sessııasyn ashty. Memleket basshysy quramy jańǵyrǵan jańa Májilistiń qyzmetke kirisýi elimiz úshin sımvoldyq máni bar eki oqıǵamen tuspa-tus keletinin atap ótti. Ol – el Táýelsizdiginiń 30 jyldyq mereıtoıy men qazirgi zamanǵy Qazaqstan parlamentarızminiń shırek ǵasyrlyq beleske jetkeni. Memleket basshysy osy tarıhı kezeńde senim mandatyna ıe bolǵan depýtattar halyq úmitin aqtap, Otanymyzǵa adal qyzmet etetinine senim bildirdi.
