Premer-Mınıstr oblys ákimderine qarashanyń aıaǵyna deıin halyqpen «tikeleı efır» ótkizýdi tapsyrdy
A. Qarashanyń 16-sy. QazAqparat /Rýslan Ǵabbasov/ - Búgin Úkimette ótken selektorlyq keńeste Premer-Mınıstr Kárim Másimov oblys ákimderine qarashanyń aıaǵyna deıin halyqpen «tikeleı efır» ótkizýdi tapsyrdy,
dep habarlaıdy QazAqparat.
«Qarashanyń sońyna deıin oblystyq buqaralyq aqparat quraldary arqyly óńirlerdegi máselelerge qatysty suraqtarǵa jaýap berý turǵysynda «tikeleı efır» ótkizińizder», dedi Úkimet basshysy.
Sonymen birge K. Másimov ótken aptada «tikeleı efırge» qoıylǵan saýaldarǵa tolyǵymen tıisti mınıstrlikter men vedomstvolar jaýap qaıtarý úshin arnaıy tizimdi ázirleýdi tapsyrdy.
«Ár saýalǵa jaýap qaıtarylýy tıis. Bul tizim bekitýge usynylýy kerek. Men ony bekitemin, sonan keıin nátıjeler boıynsha qarastyramyz», dedi Premer-Mınıstr.
