Premer-Mınıstr munaı-gaz jáne taý-ken ónerkásibi qyzmetkerleriniń forýmyn ótkizýge tapsyrma berdi
dep habarlaıdy QazAqparat.
Úkimet basshysynyń aıtýynsha, forýmǵa atalmysh sektorlardaǵy jumys berýshiler men jumysshylardyń barlyǵyn jınaý qajet. Sóıtip osy sektorlardaǵy jumys berýshiler men jumysshylar arasyndaǵy sheshimin tappaǵan problemalar, jalaqyǵa qatysty túıtkildi máseleler, sondaı-aq Qazaqstanda jumys istep jatqan sheteldik kompanııalardaǵy basqarýshylyq qyzmetterge otandyq mamandardy tartý máselsi talqylanatyn bolady. Sońynan tıisti sheshimder qabyldanady.
Aıta keteıik, búgingi kezdesý barysynda «Petro Qazaqstan» kompanııasynda basqarýshylyq qyzmetke qazaqstandyq kadrlardy tartý máselesi kóterildi. «Bizge ulttyq kadrlardy daıyndap, tárbıeleý kerek. Alaıda, bizdiń kadrlar básekege qabiletti bolýlary tıis. Biz otandyq kadrlardy jan-jaqty qoldaıtyn bolamyz», dedi Úkimet basshysy.
Óz kezeginde Qazaqstan Kásipodaqtary federatsııasynyń tóraǵasy Sııazbek Muqashev bul máseleni Úkimetpen, ulttyq kompanııalarmen, ákimdiktermen jaqsylap pysyqtaý qajettigin aıtty.
