Premer-Mınıstr monopolısterdiń tarıfterin ósirmeýdi tapsyrdy
ASTANA. QazAqparat - QR Premer-Mınıstri Baqytjan Saǵyntaev Investıtsııalar jáne damý mınıstrligine, Ulttyq ekonomıka mınıstrligine kóliktik ınfraqurylymdar boıynsha jobalardy júzege asyrýdy jyldamdatýdy júktedi.
"Investıtsııalar jáne damý mınıstrligine, sonymen qatar Ulttyq ekonomıka mınıstrligine kóliktik ınfraqurylymdar boıynsha jobalardy júzege asyrýdy jyldamdatýdy tapsyramyn. Jergilikti ákimderge bólingen qarajattardy tıimdi ári ýaqtyly ıgerýdi qamtamasyz etsin", - dedi B. Saǵyntaev QR Úkimetiniń otyrysynda.
Mınıstrlik kabınetiniń basshysy jyl sońyna deıin eldegi ınflıatsııa kólemin de tómendetýdi tapsyrǵandyǵyn eske sala ketti.
"Ulttyq ekonomıka mınıstrligine bıyl aımaq ákimderimen birge baǵalardyń turaqtylyǵyn qamtamasyz etýdi jáne tabıǵı monopolııalar qyzmetiniń tarıfterin ósirmeýdi tapsyramyn", - dep atap ótti B. Saǵyntaev.
