Premer-Mınıstr memlekettik menedjmenttiń jańa qaǵıdasyn jarııa etti

 «Baqylaý,  sapa  jáne  kadr máselesi -  mine osy   máselelerge    erekshe  nazar  aýdarý kerek», dedi  Mınıstrler kabınetiniń basshysy  óz sózinde.

 «Birinshiden - baqylaý.  Ádette    jaqsy jáne   durys sheshimder qabyldanady.   Solardy    basynan  bastap,  sońyna  deıin    baqylaý  óte mańyzdy»,  dep túsindirdi  premer.

Kárim Másimov  sondaı-aq, «bul   baǵytta  bizge selektorlyq keńester   jaqsy kómektesip   otyr», dep  atap kórsetti. «Ótken  9 aıda  selektorlyq   keńester  ózin   jer-jerlerdegi   ahýaldy  qadaǵalaýdyń     tıimdi   tetigi    retinde   kórsete  aldy.   Atap aıtqanda,  qyrkúıek  aıynda      aımaq basshylarymen   jedel ótkizilgen keńestiń  arqasynda,    Úkimet      Ońtústik Qazaqstannyń  maı quıý  stansylaryndaǵy baǵa   dempıngi   talpynystarynyń   jolyn  kese aldy, al   sodan   úsh aı buryn    tsementtiń  ishki  naryǵy  turaqtandyryldy.  Syrtqy      orta   Qazaqstannyń   ekonomıkalyq    ornyqtylyǵyna    áli de   qaýip tóndirip otyrǵandyqtan,  bosańsymaý  týraly Elbasynyń   úndeýi    áli  de ózekti  bolyp qala bermek.

Ekinshiden  - sapa  máselesi, dep  atap kórsetti   K.Másimov.  «Biz  árqashan   sapany   baqylap  otyrýymyz kerek, sizderdiń,  depýtattyq saýalnamalaryńyzdyń  arqasynda   naqty qaı jerlerde problemalar  bar  ekenin biz bilip otyrmyz»,   dedi Úkimet basshysy óz sózinde.

 «Úshinshi  másele -  kadr máselesi», dedi K.Másimov.  «Barlyq   sheshimderdi,   naqty   bir  jerlerdegi  jumystardy   atqaratyn  kadrlar. Mine atap ótken osy  úsh jaıtty -  baqylaý, sapa  jáne  kadr máselelerin  biz  jiti  baqylaıtyn bolamyz»,   dep  túıindedi  óz sózin   Premer-Mınıstr.