Premer-Mınıstr mektepterde qoǵamdyq baqylaýdy kúsheıtý kerektigin aıtty
ASTANA. Aqpannyń 3-i. QazAqparat /Ernur Aqanbaı/ - Premer-Mınıstr Kárim Másimovtyń paıymdaýynsha, elimizdegi mektepterde qoǵamdyq baqylaýdy kúsheıtý qajet. Ol bul oıyn Bilim jáne ǵylym mınıstrliginiń búgingi keńeıtilgen alqa májilisinde bildirdi,
dep habarlaıdy QazAqparat.
«Mektepterdegi aqsha jınaý máselesi áli de bolsa oryn alyp otyr. Buǵan muqııat qaraý qajet. Oǵan jol bermeý úshin qoǵamdyq baqylaýdy jáne qamqorlyq keńesin uıymdastyrý kerek», dedi alqada Úkimet basshysy.
Osy oraıda Premer-Mınıstr óziniń jeke blogyna atalmysh máselelerge qatysty kóptegen shaǵymdar túsip jatqanyn, ony bilim mınıstrine bergenin atap kórsetti. «Biz mektepterde sapaly bilim berýimiz kerek. Sonymen bir mezgilde ondaǵy turmystyq jemqorlyqty joıýymyz kerek», dedi ol.
