Premer-Mınıstr Qytaıǵa bıdaı eksporty týraly: Qazaqstannyń óz astyǵy ózine tolyq jetedi

ASTANA. QazAqparat – Premer-Mınıstr Álıhan Smaıylov Úkimet otyrysynda astyq eksporty týraly pikir bildirdi, dep habarlaıdy QazAqparat tilshisi.

«Qazaqstannyń óz astyǵy ózine tolyq jetedi. Qalǵan aýqymdy bóligin eksportqa da shyǵarady. Bıyl Qazaqstan bıdaıy Qytaı Halyq Respýblıkasyna jetkizile bastady», - dedi ol.

Á.Smaıylov astyq durys shyqpaı qalǵan kúnniń ózinde dıqandar ishki qajettilikti artyǵymen oryndaıtynyn atap ótti.

«Mysaly, aýa raıy qolaısyz bolyp, astyq shyqpaı qalǵan kúnniń ózinde bizdegi ishki qajettilik eń az jınalatyn kóleminen 2 ese tómen ekenin aıta ketý kerek. ıAǵnı, astyqtyń kólemi eldegi ishki suranys pen azyq-túlik qaýipsizdigin qamtamasyz etýge tolyq múmkindik beredi», - dedi Úkimet basshysy.