Premer-Mınıstr QR Prezıdenti janyndaǵy Sheteldik ınvestorlar keńesiniń múshelerimen birqatar eki jaqty kezdesýler ótkizdi
ASTANA. 21 mamyr. QazAqparat - Búgin Úkimet úıinde QR Premer-Mınıstri Serik Ahmetov QR Prezıdenti janyndaǵy shetel ınvestorlary Keńesiniń múshelerimen ekijaqty kezdesýler ótkizdi, dep habarlaıdy Primeminister.kz saıty.
TeliaSonera kompanııasynyń Prezıdenti jáne Bas atqarýshy dırektory Per-Arne Blomkvıstpen kezdesý barysynda Qazaqstannyń telekommýnıkatsııalyq qyzmetiniń búgingi jaıy men ony damytýdyń perspektıvalary týraly áńgime órbidi.
P-A. Blomkvıstiń aıtýynsha, Qazaqstan kompanııanyń mańyzdy áriptesi bolyp tabylady. Ol sonymen qatar, kompanııanyń QR rynogyndaǵy qyzmet aýqymyn keńeıte túsýge múddeli ekenin bildirdi.
Deutsche Bank-tiń Ortalyq jáne Shyǵys Eýropa boıynsha Bas atqarýshy dırektory Peter Tılspen kezdesý barysynda ekijaqty ózara is-qımyldy jandandyra túsý máselesi talqylandy.
Ózara tıimdi áriptestik máselesi «ConocoPhillips» kompanııasynyń Bas atqarýshy dırektory jáne dırektorlar Keńesiniń tóraǵasy Raıan M. Lenspen kezdesý kezinde de talqylandy.
