Premer-Mınıstr QR ІІM emhanasy bar ortalyq gospıtaliniń ashylýyna qatysty
AS TANA. QazAqparat - 30 jeltoqsanda QR Premer-Mınıstri Kárim Másimov Іshki ister mınıstrliginiń emhanasy bar ortalyq gospıtalin saltanatty túrde ashty.
«Emhanasy bar ortalyq gospıtal halyqaralyq standarttarǵa jaýap bere alatyn zamanaýı medıtsınalyq jáne zertteý júrgizýge arnalǵan qurylǵylarmen jabdyqtalǵan. Qazirgi tańda ol qalanyń jetekshi emhanalarymen, «Astana medıtsınalyq ýnıversıteti» AQ-men, operatsııalarǵa jáne em júrgizýge qatysatyn hırýrgııa, ýrologııa, kardıologııa, nevrologııa, terapııa kafedralarynyń qyzmetkerlerimen yntymaqtastyq jóninde kelisimge qol jetkizdi»,-delingen QR ІІM baspasóz qyzmetiniń málimetinde.
Atap aıtqanda, ortalyq gospıtal - 212 oryndyq, emhana statsıonary - bir aýysymda 500 adamdy qabyldaı alady. Jańa gospıtal respýblıka boıynsha barlyq tirkelýshi kontıngentke medıtsınalyq kómek kórsetedi. Arnaıy kómekke zárý quqyq qorǵaý organdarynyń qyzmetkerleri, olardyń otbasy músheleri, quqyq qorǵaý organdarynyń ardagerleri turǵylyqty meken jaıyna qaramastan josparly tártipte em qabyldaı alady. ІІM-niń emhanasy bar ortalyq gospıtaliniń qyzmeti qoǵamdyq tártipti saqtaýdyń jáne azamattardy qylmystyq qolsuǵýshylyqtan qorǵaý jáne qylmysqa qarsy kúresti qamtamasyz etýdiń tıimdiligin arttyrý úshin deni saý ári jan-jaqty myqty kadrlyq resýrsty qalyptastyrýǵa baǵyttalǵan. Ortalyqtyń ashylý saltanatynda Іshki ister mınıstri Qalmuhanbet Qasymov álemdik ekonomıkadaǵy jaǵdaıǵa qaramastan, el Prezıdenti N.Á. Nazarbaevtyń áleýmettik qamtamasyz etýdiń mańyzdy aspektilerine erekshe mán berip otyrǵanyn atap ótti. Úkimet qarajat bólip, elorda Ákimdigi densaýlyq saqtaý obektileriniń qatarynan jer ornyn bergeni Ortalyqtyń elordanyń júıeli qurylyp jatqan medıtsınalyq klasterimen bite qaınasa qyzmet etýine oń yqpalyn tıgizetini sózsiz.
