Premer-Mınıstr QR IDM ujymyna jańa basshyny tanystyrdy

ASTANA. QazAqparat - Búgin Qazaqstannyń Premer-Mınıstri Kárim Másimov Investıtsııalar jáne damý mınıstrliginiń ujymyna jańa basshy - QR Prezıdentiniń Jarlyǵymen taǵaıyndalǵan Jeńis Qasymbekti tanystyrdy, dep habarlaıdy primeminister.kz.

«Memleket basshysy sizge úlken senim artyp otyr. Siz Áset Órentaıulynyń bastaǵan atqarymdaryn jalǵastyryp, jańa, tyń ıdeıalardy engizip, salany abyroımen alyp júresiz degen senimdemin. Jańa jumys ornynda sáttilik tileımin», - dedi K.Másimov mınıstrge aıtqan sózinde.

Óz kezeginde, J.Qasymbek Prezıdenttiń zor senimin aqtaý úshin bar kúsh-jigerin salatynyna sendirdi.

Premer-Mınıstr sondaı-aq vedomstvonyń burynǵy basshysy Áset Isekeshevke Memleket basshysynyń alǵa qoıǵan mindetterin júzege asyrý boıynsha Úkimettegi nátıjeli jumysy úshin alǵys bildirip. onyń tájirıbesi jańa qyzmette de suranysqa ıe bolatynyn senimmen aıtty.