Premer-Mınıstr «Qorqyt Ata» keshenin aralady
ASTANA. QazAqparat - QR Premer-Mınıstri Kárim Másimov Qyzylorda oblysyna jumys sapary barysynda «Qorqyt Ata» murajaıynyń jańǵartylǵan ekspozıtsııasy men amfıteatrdy aralap kórdi. Oblys ákimi Qyrymbek Kósherbaev memorıaldyq keshenniń qaıtadan qalpyna keltirilýi týraly áńgimelep berdi, dep habarlady Úkimet basshysynyń Pm.kz resmı saıty.
1980 jyly salynǵan sáýlet óneri eskertkishi IX ǵasyrdaǵy aty ańyzǵa aınalǵan kompozıtor, aqyn, fılosof ári qobyz atasy Qorqyt ataǵa arnalǵan.
1997 jyly memorıal alǵash ret restavratsııalandy, munda halyq áýenderinen kontsertter ótkiziletin amfıteatr paıda boldy, odan keıin Qorqyt babamyz ómir súrgen dáýirdiń tarıhy men mádenıetinen syr shertetin murajaı ashyldy.
Memorıaldyq keshen «Qorqyt» temir jol aıryǵy mańynda, Qyzylorda oblysynyń Josaly aýylynan 18 shaqyrym qashyqtyqta ornalasqan. Jyl saıyn bul jerge Qazaqstannan, alys jáne jaqyn shetelderden myńdaǵan týrıster keledi.
Baıqońyr ǵarysh aılaǵy tárizdi, «Qorqyt Ata» kesheni de «Astana EKSPO-2017» kórmesi kezinde sheteldik t ýrıster arnaıy baratyn týrıstik nysandar tizimine engizildi.
