Premer-Mınıstr kómir jetkizý boıynsha tapsyrma berdi
«Óńirlerdiń ákimderi eki apta merzimde belgilengen tártippen kómir daıyndaý jáne satý pýnktteriniń ınfraqurylymynyń qazirgi jaǵdaıyn, jetkizý grafıkterin, baǵalardyń negizdiligi men satylatyn kómirdiń sapasyn tekserýdi júrgizsin. Bizde óndiriletin kómirdiń kólemi jetkilikti, sondyqtan kómirmen qıyndyqtar bolmaýy kerek»,- dedi Úkimet basshysy.
Osy rette Asqar Mamın Indýstrııa jáne ınfraqurylymdyq damý mınıstrligine Qazaqstan temir joly kompanııasymen birlesip, kómir jetkizý úshin vagondardyń jetkilikti bolýyn qamtamasyz etýdi tapsyrdy.
«Óńirlerde kásiporyndardyń jetkizilgen gaz ben kómir úshin jáne tutynýshylardyń kommýnaldyq qyzmetter úshin debıtorlyq bereshegin óteý jónindegi jumystar kúsheıtilsin. Jalpy Energetıka, Indýstrııa jáne ınfraqurylymdyq damý mınıstrlikteri óńirler ákimdikteriniń barlyq obektilerdi jylytý maýsymyna daıyndaý jumystaryn aıaqtaýyn baqylaýǵa alyp, monıtorıngteýdi qamtamasyz etsin. Bul máseleni Úkimet únemi baqylaýda ustaıdy», - dedi Premer-Mınıstr.
