Premer-Mınıstr kómir baǵasyn qadaǵalaý boıynsha tapsyrma berdi

NUR-SULTAN. QazAqparat – Úkimet basshysy Asqar Mamın Básekelestikti qorǵaý jáne damytý agenttigine jergilikti ákimdiktermen birlesip, kómir baǵasyn erekshe baqylaýǵa alýdy tapsyrdy. dep habarlaıdy QazAqparat tilshisi.

Úkimet otyrysyn qorytyndylaǵan Premer-Mınıstr áýeli Indýstrııa jáne ınfraqurylymdyq damý mınıstrligine ákimdiktermen birlesip, qarapaıym halyq pen jylytý nysandary úshin otynnyń qajetti kólemin aldyn ala qamtamasyz etý jumysyn uıymdastyrýdy tapsyrdy.

«Óńirlerde halyqqa kómirdi satý máselesi boıynsha aqparattyq-túsindirý jumystaryn júrgizýdi tapsyramyn. Básekelestikti qorǵaý agenttigi ákimdiktermen birlesip, kómirdiń baǵasyn erekshe baqylaýǵa alsyn jáne halyq úshin kómir baǵasynyń negizsiz ósýine jol bermeý úshin sharalar qabyldasyn», - dedi Asqar Mamın.

Sondaı-aq, ol Energetıka, Indýstrııa jáne ınfraqurylymydyq damý mınıstrlikterine jylytý nysandarynyń aldaǵy maýsymǵa daıyndyǵyn udaıy baqylaýdy tapsyrdy.