Premer-Mınıstr Qazaqstan quramasy Qysqy olımpıadadan tabysty oralsa, Sport mınıstrliginiń qarjylyq ótinishterin oryndaýǵa ýáde berdi
A. Qańtardyń 19-y. QazAqparat /Ernur Aqanbaı/ - Eger Qazaqstan quramasy 2010 jylǵy aqpannyń 12-28-i aralyǵynda Kanadanyń Vankýver qalasynda ótetin XXI Qysqy olımpıada oıyndarynda tabysty óner kórsetetin bolsa, Premer-Mınıstr Kárim Másimov Sport jáne týrızm mınıstrliginiń sportshylardy yntylandyrý týraly qarjylyq ótinishterin oryndaýǵa ýáde berdi,
dep habarlaıdy QazAqparat.
«Aldymyzda endi bir aıdan keıin Kanadada ótetin óte mańyzdy sporttyq shara - Qysqy olımpıada oıyndary tur. Men bizdiń komanda bul jarysta tabysty óner kórsetip, joǵary nátıjege qol jetkizedi dep úmittenemin. Medal alyp kelseńizder men sizdiń qarjylandyrý jónindegi ótinishterińizdi oryndaımyn», dedi alqada K. Másimov Týrızm jáne sport mınıstri Temirhan Dosmuhametovke qaratyp aıtqan sózinde.
Aıta keteıik, alqa májilisi barysynda T. Dosmuhametov Úkimet basshysynan joǵary sporttyq nátıjelerge qol jetkizýdegi jyl saıyn artyp kele jatqan básekelestikti jáne materıaldyq yntylandyrýdaǵy halyqaralyq tájirıbeni eskere otyryp, álem chempıonattarynda jáne Azııa oıyndarynda medal jeńip alǵany úshin sportshylarǵa beriletin bir mártelik syıaqynyń mólsherin ulǵaıtý týraly máseleni qarastyrýdy suraǵan bolatyn. Mınıstrdiń aııýynsha, qosymsha shyǵyndardyń somasy 33,5 mln. teńgeni quraıdy.
