Premer-Mınıstr Kan Japonııanyń búkil aýmaǵy boıynsha radıatsııanyń deńgeıin tekserýge tapsyrma berdi
ASTANA. 17 naýryz. QazAqparat - Japonııanyń barlyq aýdanynda radıatsııa deńgeıine tekserý júrgiziletin bolady, sóıtip halyqqa «Fýkýsıma-1» AES-indegi apatqa baılanysty ahýal týraly naqty derek berilmek.
"El premeri Naoto Kan sársenbi kúni ótken úkimettiń tótenshe jaǵdaılar jónindegi jedel shtabynyń májilisinde bilim jáne ǵylym mınıstrligine, polıtsııaǵa jáne azamattyq qorǵanys kúshterine osyndaı tapsyrma berdi", - dep habarlaıdy ITAR-TASS agenttigi.
Kan sondaı-aq ónerkásip mınıstrligine radıatsııanyń qaýipsiz jáne qaýipsizdik deńgeıleri týraly naqty málimetterdi daıyndap, olardy halyqtyń nazaryna jetkizýdi mindettedi.
Úkimet basshysy óz sózinde, «atom stansasynan 20-30 shaqyrym radıýstaǵy aýdandardyń turǵyndaryna shuǵyl kómektesý sharalaryn» qabyldaý qajettiligin basa atap kórsetti. Onyń aıtýynsha, 11 naýryzda bolǵan joıqyn zilzala men tsýnamıden keıingi 5 kúnniń ishinde 26 myńnan astam adam qutqarylǵan. Premer sondaı-aq zardap shekken aýdandardaǵy halyqqa azyq-túlik, aýyz sý jáne otyn jetkizý jónindegi kólik qyzmetteriniń jumystaryn kúsheıtýge ýáde berdi.
