Premer-Mınıstr kadrlardy daıarlaýda memlekettik-jekemenshik seriktestik baǵdarlamasyn qarastyrýdy tapsyrdy
«Ár jerde memleket isteýi tıis degen aıtylady. Al ózderine kadrlar daıarlaý boıynsha jumys berýshilerdiń yntymaqty jaýapkershiligi qaıda? Biz Qurylysshylar qaýymdastyǵymen pikir almasqan bolatynbyz. Olar tıisti ortalyqtar qurýǵa daıyn ekendikterin alǵa tartýda. Múmkin memlekettik-jekemenshik seriktestik aıasynda QR Bilim jáne ǵylym mınıstrligi men Indýstrııa jáne jańa tehnologııalar mınıstrligi birlesip salalyq baǵdarlamany qurý kerek shyǵar»,-dep toqtalǵan S. Ahmetov: «Olar qurylys, mashına qurylysy salalarynda bilim ortalyqtaryn qurýǵa daıyn. Búginde bilikti qurylysshylardy tabý qıyn. Máselen, qazirgi kezde Astanada táýir dánekerleýshi kem degende 300 myń teńge aılyq alady. Alaıda, osy bilikti dánekerleýshiler tapshy. Sondyqtan da jumys berýshilerdiń jaýapkershiligin kótereıik»,-dedi.
Úkimet basshysy mamandardy daıarlaý aıasynda memlekettik-jekemenshik seriktestik boıynsha baǵdarlama ázirleýdi tapsyrdy. «Tek tehnıkalyq qyzmetkerlerdi ǵana emes, sonymen qatar basqarýshylardy, menedjerlerdi daıarlaý qamtylýy tıis»,-dep túıdi Premer-Mınıstr.