Premer-Mınıstr ishki naryqty otandyq preparattarmen qamtý máselesine qatysty Reseı Úkimetimen konsýltatsııalar júrgizýdi tapsyrdy

ASTANA. Qarashanyń 17-si. QazAqparat /Ernur Aqanbaı/ - Búgin Úkimet otyrysynda Premer-Mınıstr Kárim Másimov Qazaqstan men Reseı úkimetteri arasynda ishki naryqtardyń 50 paıyzyn otandyq preparattarmen qamtamasyz etý máselesine qatysty konsýltatsııalar júrgizý qajettigin aıtty,

dep habarlaıdy QazAqparat.  

«Memleket basshysynyń tapsyrmasy boıynsha 2014 jyly ishki naryqtyń 50 paıyzyn otandyq dári-dármektermen qamtamasyz etýge tıispiz. Men Reseı Federatsııasy Prezıdentiniń Joldaýyn muqııat tyńdadym. Ol da Reseıde osyndaı mindet qoıyp otyr. Bul másele boıynsha bizder qandaı da bir konsýltatsııalar júrgizýge tıispiz», dedi óz sózinde K. Másimov.

Osy oraıda eki el de formatseptıka salasynda birdeı maqsat kózdep otyrǵandyǵyna toqtalǵan Úkimet basshysy: «Saıyp kelgende Keden odaǵy qurylǵasyn endigi jerde bizdiń naryǵymyz bir bolaıyn dep tur. Sondyqtan da keleshekte problema bolmas úshin basy artyq ınvestıtsııalardy tartý máselesine muqııat qaraýymyz kerek. Bizder taýarlardyń qandaı toptary boıynsha jumys istep jatqandyǵymyzdy muqııat qaraýǵa tıispiz. Osy másele boıynsha kelissózder júrgizý qajet», dedi Úkimet basshysy.