Premer-Mınıstr ınvestıtsııalyq jobalardy kórsetilgen merzimde iske qosýdy qamtamasyz etýdi tapsyrdy
Ol bul tapsyrmany búgin Úkimettiń selektorlyq keńesinde berdi, dep habarlaıdy QazAqparat.
Osy oraıda, Úkimet basshysy elimizde júzege asyrylyp jatqan ınvestıtsııalyq jobalardy pysyqtaý úshin atalmysh mınıstrliktiń basshysy Áset Isekeshevke Úkimettiń selektorlyq keńesin nemese Ekonomıkany jańǵyrtý jónindegi komıssııanyń otyrysyn uıymdastyrýdy tapsyrdy. «Bul jeke tapsyrma. Bul osy jyldyń mańyzdy máseleleriniń biri. Іs júzinde jobalardyń barlyǵy aqshamen qamtamasyz etildi. Másele týyndaıtyn bolsa, sheshińizder», dedi K. Másimov.
Sonymen qatar, Úkimet basshysy ınvestıtsııalyq jobalardyń júzege asyrylý barysyn baqylaý jónindegi shtabtar týraly QR Premer-Mınıstri buıryǵynyń jobasyn Úkimetke osy osy aptada engizýdi tapsyrdy. «Men oǵan osy aptanyń ishinde qol qoıýym kerek», dedi K. Másimov.
Indýstrııa jáne saýda mınıstri Áset Isekeshevtiń aıtýynsha, 2010 jyly elimizde 134 jobany aıaqtaý josparlanyp otyr. Onyń 78-i birinshi jarty jyldyqta, al 56-si jyl sońyna deıin aıaqtalatyn bolady. Atalmysh ınvestıtsııalyq jobalarǵa 800 mlrd. teńgeden astam ınvestıtsııa salynǵan. Qurylys jumystaryna 16 myńnan astam adam tartylǵan. Atalmysh 134 joba iske qosylýynyń nátıjesinde 17 myńǵa jýyq jańa jumys oryndary qurylady.
