Premer-Mınıstr Indýstrııa jáne jańa tehnologııalar birinshi vıtse-mınıstri A. Raýǵa sógis jarııalady

ASTANA. 5 qarasha. QazAqparat - Búgin Úkimet otyrysynda QR Premer-Mınıstri Serik Ahmetov ekonomıkany ındýstrııalandyrý boıynsha jibergen olqylyqtary úshin Indýstrııa jáne jańa tehnologııalar birinshi vıtse-premeri Albert Raýǵa sógis jarııalady.

«Jalpy ındýstrııalandyrý - bul ekonomıka qurylymyn ózgertý. Bul Úkimettiń barlyq múshelerin, barlyq ákimder men barlyq memlekettik organdar basshylaryna qatysty másele. Biz árbir jarty jyl saıyn jobalardy iske qosamyz. Sosyn árbir saltanatty iske qosýdan keıin olardyń toqtap qalyp jatatyn jaǵdaı oryn alýda», -dedi Serik Ahmetov.

Osyǵan oraı, Úkimet basshysy barlyq mınıstrler men ákimderge jobalardyń turaqty jumysyn qamtamasyz etý men olardyń josparly qýatyna shyǵarý boıynsha sharalar qabyldaýdy júktedi. «Іriktelip alynatyn jobalardyń sapasyna qaraý kerek. Olardyń ekonomıkalyq maqsattylyǵyn nazardan shyǵarmaı, ótkizý naryǵyn da zerttegen abzal», - dedi Premer-Mınıstr.