Premer-Mınıstr Indýstrııa mınıstrligine ındýstrııalyq aımaqtardyń damý máselesin pysyqtaýdy tapsyrdy
dep habarlaıdy QazAqparat.
«Áset Tórentaıuly, Siz basqaryp otyrǵan vedomstvo jumysshy organ retinde ındýstrııalyq aımaqtar máselesin pysyqtaýdy tapsyramyn. Buny álemde jınaqtalǵan tájirıbeni, sonyń ishinde Túrkııada, basqa da elderde paıda bolǵan jańashyldyqtardy, ındýstrııalyq saıasatty, bizdiń naqty múmkindikterimizdi eskere otyryp qarastyrý qajet. Osy istiń bárin bir jerge shoǵyrlandyryp, bizdiń ındýstrııalyq aımaqtardy qalaı damyta alatyndyǵymyzdy qaraý kerek», dedi Premer-Mınıstr Indýstrııa jáne saýda mınıstri Áset Isekeshevke qaratyp aıtqan sózinde.
Úkimet basshysynyń sózine qaraǵanda, bul máseleni qolda bar naqty qarjylyq resýrstarǵa jáne qoldan keletin múmkindikterge qarap sheshken jón. «Ekpindi bastalyp qoıǵandarǵa, olardy aıaǵyna deıin jetkizýge kúsh salý qajet», dedi ol.
