Premer-Mınıstr «Ǵylym týraly» zań jobasyn Parlamentke tezdetip engizýdi tapsyrdy
ASTANA. Aqpannyń 3-i. QazAqparat /Ernur Aqanbaı/ - Premer-Mınıstr Kárim Másimov Bilim jáne ǵylym mınıstrligine «Ǵylym týraly» jańa zań jobasyn Parlamentke meılinshe tezdetip engizýdi tapsyrdy. Ol bul tapsyrmany atalmysh mınıstrliktiń búgingi alqa májilisinde berdi,
dep habarlaıdy QazAqparat.
«Memleket basshysy byltyr kúzde Qazaqstandaǵy ǵylymdy damytý máselesi boıynsha keńes ótkizip, onda naqty mindetterdi júktedi. Oǵan ǵylymı toptyń ókilderi qatysyp, ózderiniń kózqarastaryn bildirdi. Sondyqtan da «Ǵylym týraly» zańdy soza bermeı, bekitilgen merzimde Parlamentke engizińizder. Biz bul baǵytta ilgeri jyljýymyz qajet», dedi alqada Úkimet basshysy.
